8
8
انصدمت

حقين الاحياء هذولا عليهم حركاااات

تذكرت بنت عمي مره فاجأنا صارور ولكم الكرامه وكلنا ناديناها علشان تموته
علشان هي يعني متعوده على التشريح والبلاوي ..
قامت الاخت وش تقول لا حرام عليكم هذا امريكي لا تموتوه
شوفوا كيف كبير والتفاصيل فيه مره واضحه !!!!!

اما امريكي ... حتى الصوارير لها جنسيات

حبيت اسألك على الفيروس تبع القطط وهذا المهم خيتو

أشكر كل من رد على الموضوع
وأنا حاطهم في غرفة خاصة أم 10 نجوم خخخخخخخخ
ومبسوطين مرة مرة
أما عن القطط رجاء من كل الأعضاء يطعموهم ضد داء الكلب وحيديكم شهادة بتطعيم ضد داء الكلب
وعندي شهادة أوريكم إياها لو تبغون إن شاء الله
ولو ما تعرفوا محلات بيطرية فأنا أعرف بيطرة في جدة في محل واحة الحيوان
وفي المدينة المنورة قريب من شارع سلطانة جمب مزرعة بئر عثمان .

أما يا نصور فأسعار الببغاوات مختلفة فعندك [ الرمادي الإفريقي ، الأمازوني ] يتكلمون بكثرة
وأما [ المكاو ، الكوكاتو ، الدرة ] تحفظ كلامات قليلة

ونبدأ بالأغلى : المكاو ، الأمازوني ، الكوكاتو ، الرمادي الإفريقي ، الدرة .

وأنا أنصحك بالرمادي تراه ممتاز وأكثر شعبية وأسعاره مختلفة على حسب ميزة الببغاء نفسه

عساني أفدتك

سلام .. .. سلام
اولا اشكركم على الموضوع الرائع اللي اعده متحف الحيوانات


1/ كان عندي مشروع تربية حمام .. بس فشل المشروع لان امي الله يعطيها العافيه من اشد المعارضين للحمام
2/ حصلت على هديه كتاكيت وسويت لهم مكان في البيت وصاروا كل يوم العصر افتحلهم القفص وهما بيسووا جوله سياحيه مع غدا اللين المغرب وفجأه صاروا دجاج كبييييييييييييييييييييييييير واتنكبت معاهم مالهم غير السطح وطبعا السطح حار ومافي ظله من خبالتي انسى اطلعلهم مويه ولما اطلع القاهم يلهثون تقول في سباق من كثر الحر والعطش اللين ما يوم كنت معدي جنب البيت حصلت دجاجه ميته جنب الجدار وادقق الا وهي من دجاجاتي نطت من على السطح طبعا اربع ادوار ماهيب سهله ودج ماتت والبقيه اللي بقيه اعطيتها بطوننا بالعافيه على طول تاني يوم.
3/ زوج ببغاء استرالي قعد معايا تقريبا سنتين وجبت جوزين معاهم يعني صاروا 6 وكانت حياتهم سعيده اكثر مما يحلم اي طير
الى ان جاء اليوم المشئوم .. .. طبعا اخوي متعود يحطها تحت الدش في البانيوا ويفتح عليها المويه ويخليها شوي ويشيلها .. وفي ذاك اليوم بالغلط مدري وين كان عقله حطها تحت الدش وفك عليها موية السخان الحاااااااااااااااااره وقضت نحبها متاثره ..
4/ كنت الام الحاضنه لاي بس في الحاره اوفر له المأكل والمشرب والمأوى لدرجة تحس ان درج العماره ملجى بساس مو سكن اوادم من كثرها وكان عندي بس شاب اسمه عباس ننسة للأسد لانه كان شهم وصنديد وبس ثاني شيبه اسمه صبري هادا لو اك تشوته وتدعس على راسه اكثر شي يسويه يصلح نفسه ويتمطط ويرجع ينام صبور ومكبر راسه مره
والبس الاهم من دا كله انثى هذي مخلفة عباس اسمها بسبوسه كانت ماليا عليا الدنيا والله انه تنتظرني الصباح وانا رايح المدرسه ولا ارجع الظهر عند الباب ولما اروح اشتري العشى للبيت ارجع احصلهم كوم بس زي النمل بالتوقيت و اكلهم كنت عيش حب وكانوا يموتوا فيه
وافتكر مره سمحت لها تدخل الشقه بالظهر وقت الغدى وطبعا كان الغدى سمك وابويا غفى لطشت السمكه من لصحن وشردت ومن بعدها خلاص صار محرم عليها الدخول الا بعد صلاة الفجر تدق( باظافرها يبخرش لين نحس بيها ) الباب تفتحلها امي الباب تدخل تشرب من الحوض حق السلحفه وتنام جنبه لاين ما تنطرد من امي بس خلاص اللحين فرقوا بيننا الواشين........
5/ سلحفاة وهيا الى الان وجودة من ما يقارب 8 سنوات وهيا تناظل معانا وصابره على قلة الحيله .. واسمها سييس
ويوم من الايام غلطت وجبت كلب بقدي حصلته في الشارع لجمته وجريته على البيت وما بكمل اش صار بعدها .....................

لاكن البساس فديتها تهبل والله ما تنساب بس الواحد يقول الحمد لله على كل حال


تحياتي لكم واتمن تكونوا ما مليتوا مني

منار....................................ر